مش عارف عمي اللي في البرازيل لسه ما ماتش لغاية دلوقتي ليه

شاب مش لاقي ياكل
المشاكل محاوطاه من كل اتجاه
مش عارف يعمل ايه مسدودة في وشة بالطول وبالعرض
وفجاه
تيجي له رساله ان عمه اللي البرازيل مات وورث منه فلوس مالهاش عدد
تتغير حياته وتتبدل افكاره ويعمل اللي معملوش ويشوف اللي ماشافهوش
وانتشرت الثقافة دي على الشعب المسكين ده
وكل واحد فينا مستنى عمه اللي في البرازيل يموت ويورثه
اللي مستنيها باتصال من ماركة اتصل واكسب وكل ما تتصل اكتر فرصتك في الفوز تكتر
واللي مستنيها بمن سيربح المليون
واللي مستنيها بجوازة من ماركة يا تحب يا تقب
والبنات مستنياها بفارس الاحلام اللي هييجي بحصان ابيض ياخدها ويلففها العالم
الكل نفسه يكون فنان او لاعب كرة او بنت من بتوع الاعلانات
الكل عاوز يقب في خبطة واحدة
تفرقع معاه ويبقا على وش الدنيا
اختفى السعى والجهد والعرق والشقا
خلاص ما بقاش ده الطريق للغنى او لكسب الفلوس
يا ترى ايه رايكم
وبالمرة ياريت لو حد رد عليا هنا ياريت يجاوبني على السؤال ده
ليه عمي اللي البرازيل ما ماتش لغاية دلوقت

اقولك انا يا ميدو ليه الناس مش بتسعى ولا بتتعب عشان
اكل العيش لان كل واحد عايز اى حاجه تجي له لغاية عندة
تلاقى الشباب قاعدين فى البيت وبيقولوا مفيش شغل طب الشغل
هيجى منين طول ما انتوا قاعدين فى البيت
انزلوا ابحثوا عن الشغل مش ضرورى تبدأ بشغل كبير
ابدأ بأى شغل ومع اصرارك هتكبر وهتعلى
البنات برضه دائما بتدور على العريس اللى يرفعها
واللى يلففها العالم زى ما بتقول يا ميدو
بس ليه هى مش مستعده تتعب مع عريسها عشان توصل الى اللى عايزه
باختصار الناس كلها مش عايزه تتعب عايزه الحاجه تجى لغايه عندها جاهزه

مشكور ميدو على موضوعك
تقبل مرورى
اختك
مسلمه

شكرا يا مسلمه على مرورك

وكلامك الجميل

اقولك حاجة
ابدااء بنفسك يا عم
موش لازم تستنى عمك يموت يعنى هههههههههه (موش عمك عمك يعنى )
بس انزل وشوف نفسك اية الاخبار هتعرف تورث الشغلو تلاقية وتجيب فلوس كتير ولا لا
ولا انت زى ناس من النوع الى بيحب يجيب الفلوس وهو نايم تحت البطنية
هو دا فعلا الى بيستنى عمة