دخلة النادى الاهلى

بسم الله الرحمن الرحيم

الموضوع منقول بحذافيره
والكلام مش على لساني على لسان صاحبه
عايزكوا تشوفوا قد ايه فيه ناس بتحب النادي الاهلي
وقد ايه لما حد بيحب حاجة بيعملها ايهاسيبكم مع الموضوع

فى البدايه العمل دا يمكن الناس متعرفش قد ايه الناس تعبت فيه
واشتغلت بكل مجهودها ومساهمتها سواء الماديه والمعنويه عشان يطلع بالشكل دا
==
بدايه تفاصيل الدخله كان بدأ من شهر 8 وتحديدا بعد ما تم تأسيس ال UA 07 المعروفه دلوقتى باسم التراس اهلاوى
كان التحدى قدام الجميع اننا نقدم دخله كبيره لجمهور النادى الاهلى بعد دخله الديفيل والتورته 6/1 وبعد دخله الشرايط اللى كان مكتوب عليها 1907/2007 وبعد دخله محمد عبد الوهاب فى ذكرى رحيله
==
بدأ الشكل الاولى للدخله برسمه كانت مرسومه يدويا وبالتحديد كان يوم 6/8/2007
لفكره المعالم وكان فيه طبعا افكار تانيه كتير

وبعد الاستقرار على الفكره مبدأيا
تم التعديل فيها وكان التعديل جوهرى اكتر وفنى اكتر
دخلة النادى الاهلى Image392xd8

تم التدخل بالكمبيوتر بعد ما عملنا شكل عام للفكره ككل
دخلة النادى الاهلى Image394nh6

===
وكان من قبلها عملنا شكل كامل لمنظر الاستاد وقت فرد الدخله بكل تافصيلها بحيث يكون عندنا شكل افتراضى بنشتغل عليه
دخلة النادى الاهلى Curvanordrm6od1

===
بعد كدا ابتدت مراحل الرسم
الاصعب فعلا

والله يا شببا لو تعرفوا ان الشباب فضل 3 ايام فى عز الصيام ورمضان شغال بيرسم وبيشتغل نايمين برا بيوتهم بيتصحروا وبيصلوا برا البيت

===
وبعد الانتهاء كان كل الشباب متجمعين عند البانورما من الضهر وساعه الدخول اقسم بالله كان كل رد بالنسبه لنا يمثل الصدمات
كل ما تتكلم مع ظابط كبير سننا او مركزا يقولك ممنوع ممنوع دخول اى شيىء مهما كان تقوله ليه يقولك ديه تعليمات .. تساله تعليمات ايه ديه اللى تخلى حاجات زى ديه متدخلش الاستاد يقولك هو دا كدا وان كان عاجبكوا .. طبعا دا تبع السياسه المتبعه وكالمعتاد
لاغايه لما لاقينا كدا ظابط صغير سننا
قالنا افردوا العلم الكبير نشوف ان كان فيه استفزاز او لا بعدها نقرر .. اما الشرايط البلاستيك فا تنساوا امر دخولها بالمره كل الحديث دا دا قبل الفطار بحوالى نص ساعه بالظبط
وكل ما يشتد علينا الموقف بيزيد الاحباط فى كل لحظه من دخول الدخله
وتشوف فى عيون الناس اللى تعبت فى الحاجه ديه نظرات حسره بجد بتكسر القلب
المهم استسلم البعض للامر الواقع والبعض لم يستسسلم للارض
لدرجه انه فيه ناس فكرت انها ترمى البلاستيك دا كله على الارض
وتضحى بيه
==
لكن كان فيه البعض الاخر اللى تمسك ببعض الامل فى دخول الحاجه كلها .. المهم العلم دخل الاستاد وبقى بس اربعه بالظبط مسؤلين عن 1,5 طن بلاستيك .. والله العظيم هو دا تقل البلاستيك كله .. المهم حاولنا محاوله يائسه من باب دخول جمهور الاهلى من درجه تانيه المهم بصينا لاقينا الاذان بيأذن علينا والكل طبعا عاوز يفطر .. اقولكوا ايه يمكن تكون ناس شافت المنظر ان كل الناس بتفطر على الارض وقاعدين على البلاستيك كله

بالصدفه الفطار خلص وعلى البوبات وزعنا كل البلاستيك على جمهور الاهلى .. بجد كان فيهم 15 او 20 واحد بجد الواحد مهما مدح فيهم مش هيوفيهم حقهم شباب من اول لما وقفوا على البوابه الكل حابب يساعد كلهم بيغنوا وهما واقفين ومن غير من نقولهم على المساعده هما حسوا اننا محتاجينهم

وبالصدفه البحته لاقينا المشمع دا جوا الاستاد
بعد درجه يأس محدش يتخيلها بالمره
===
المهم بمجرد ان الشباب شافوا المشمع كل فرد كان موجود عارف دوره كويس جدا فى ظرف ساعه ونص بالظبط كان كل شيىء جاهز مفيش غير خمس دقايق بالظبط مده عرض الدخله فاصله فى المجهود دا كله

تخيل شيىء الناس بتشتغل فيه بالشهور لمجرد انه يظهر لمده خمس دقايق فقط
====
الصوره النهائيه

لو تتخيلو اللحظات المعدوده من فرحه جمهور الاهلى بالدخله وانت بتشوفها فى لحظتها ومنها رد فعل الجمهور اللى قدامك لما بتشوفها LIVE
كل دا فى لحظات قليله جدا ولكن احسسها كبير جدا
يكفى انك بتخلى جمهور له القياده او بمعنى اصح صاحب الفعل وليس رده الفعل
===

الصوره ديه بالذات من اغلى الصور عندى
لان اللى يشوف تهافت المصورين على التقاط الصور للدخله وتجاهل الجانب الاخر دا بيفكرنى بلحظات الاوسكار للمثلين وتهافت الكاميرات عليهم
فعلا فى اللحظه ديه جمهور الاهلى كان يحتاج اكر اوسكار
يكفى انه كان بيساعدنا بكل مجهوده على ان الدخله تنجح
====
واخيرا
كلمه شكر لكل من ساهم فى الدخله ديه وخاصه اصحاب الدعم المادى والمعنى
احنا كنا بنحاول نخلى جمهور الاهلى كله بدون استثناء مساهم فيها ماديا ومعنويا لغايه لما تطلع بالصوره ديه
وشكرا

مجهود رائع

وشغل جميل

بس مين دول

وانت يا ميجوو عمال تقول احنا احنا

انت كنت معاهم ولا ايه ؟؟

هههههههههههههههه
الموضوه منقول بقولك
بس شايفة المجهود الى فى الصيام دا
اهلااوى بقا

تسلم ايدك يا ميجو
موضوع هايل ومجهود اكتر من رائع

شكرا ليك يا موحا ونفسى اشوف دخلة نادى الزمالك

اشطه عليك يا ميدو

تسلم ايدك بجد

موضوع جامد كيييييييييييك

شكرا ليك يا ميدوو على مرورك ويارب الموضوع يكون عجبك

بس الحقيقة يا جماعة ان دخلت الاهلى احسن من بتاعت الزمالك 1000000000 مرة بس