كل واحد ياخد باله من كليته والا من داه بكرة بقرشين .........

السلام عليكم ورحمة الله وبركاته
Question

مش عارفة موضوع بجد شدنى جدا انى اتكلم فيه معاكم وموضوع بجد انتشر جداااااااااااااااااااااااااااااااااااا
ومش عارفة هو انسان بقى رخيص قوى كدة بقى مالوش لازمة وليه بقينا منسويش حاجة وربنا نفسه سبحانه وتعالى اكرمنا عن جميع المخلوقات

مش عايزة اطول عليكم كتير شوفنا موضوع تجارة الاعضاء البشرية
وسرقتها عينى عينيك لدرجة انها فى بعض الاماكن اصبحت تجارة مشروعة

هناك صراعات بين القوانين لتشريع تجارة الاعضاء البشرية ونقلها والاستفادة منها وطبعا مننساش ابدا فيلم نور الشريف اللى اشتغل فيه سواق عند عادل ادهم وضحك عليه وقاله هنعملك الزايدة وسرق منه كليته مقابل ملاليم
وداه ان دل فيدل على اننا رخاص جدااااااااااااااااااااااااااااااااااااااا امام المال

بل وهناك مقالة بجيدة الاهرام عن ناس استغلوا الفقر والحاجة الى المال كى ياثرون على الشباب بان يتبرع بكليته واشياء اخرى مقابل المال
فهناك رجل ما يبحث عن فريسته وسط المتسولين والشباب العاطل ويقنعوه بالموضوع ويؤثر عليه ويعطيه جزء من المال ويجعلهوه يوقع بالموافقة وبعد التبرع لا يجد الرجل ولا باقى المبلغ
استغلال لجميع الظروف اصبح الفقر والحاجة الى المال والحاجة الى الحياة مبرررررررر لبيع اعضائنا لماذا لم نسال انفسنا لماذا اعطانا الله هذه الاشياء فبرغم كرم الله سبحانه وتعالى علينا الا انه اعطانا كل شى ء فى جسمنا لضرورة سبحانه وتعالى اعلم بها

ولا اريد ان انسى شىء مهم اريد ان اناقشهوه معكم وهو مارد فعلك اذا كان المحتاج للتبرع هو ابيك او امك او اخيك او اختك او حتى صديق عمرك
واذا كنا سنبيحها وقتها لعائلتنا اذا لامانع من نبيحها للمجتمع

ولو فى حد ياجماعة متابع وبيقرا الجرايد هيلاقى ان اليومين دول فى صراعات حول القوانين والاديان لتشريع هذه التجارة
الدين الاسلامى قال
لا مانع من نقل الاعضاء البشرية بشروط :
اولا : ان يكون هناك مصلحة بين الطرفين وهى مصلحة المتبرع ومتلقى التبرع اى ان يكون متلقى التبرع حياته فى خطر وسيتم انقاذه بمجرد نقل لعضو البشرى له
ثانيا: عدم البيع اى ان تتم عملية نقل الكلى او اى عضو اخر على سبيل التبرع والهبة وعدم تلاقى اى مبالغ ماليه
ثالثا : الزيادة عن حاجة المتبرع الحى الى هذا العضو الذى سيتبرع به
واذا كان المتبرع شخص متوفى يجب ان يكون اوصى بذلك قبل وفاته وان يحدد العضو الذى يريد التبرع به
بل وهناك بعض البلاد الاوربية التى تتيح نقل اى عضو من اعضاء البشرية ((تجارة الاعضاء البشرية))) والانسان تحت الموت الاكلينيكى مبررين ذلك بانه انسان قد توقف مخه ولن يحتاج الى جسده ونسوا ان الانسان لو حق فى الحياة وهو ان يعيش الى اخر لحظات عمره مادام قلبوه ينبض .
الدين المسيحى
رئيس الطائفة الانجيلية بمصر
نوافق على التبرع بالاعضاء البشرية ولكن مجانا بشرط عدم اخذ مال مبرر بان السيد المسيح قدم ذاته بالكامل من اجل احبائه دون مقابل
واستشد بقول السيد المسيح ((( بانه ليس حبا اعظم من هذا ان يضع الواحد نفسه عن احبائه )))

هذا عن كل مايخص الموضوع
والان اريد منكم معرفة موقفكم من هذا الموضوع وان نناقشه سويا كى نتعرف هل تسطيع التبرع بعضو من عضوك
هل سيات علينا يوم وتنتشل اعضاءنا بوسائل المواصلات كما تنتشل جيوبنا لا اعلم ماذا سيكون موقفنا المهم ان اعرف منكم الان هلى توافقون ام انكم تستاءون

ارجو ان ينال اعجباكم والااكون طولت الحديث عليكم
الا رسول الله ا النبى محمد

ملحوظة هامة جدااااااااااااااااااااا
الموضوع داه كان مفروض يكون فى المناقشات بس انا وضعتوه هنا لانه بجد محتاج الكل يشوفوه والا لو اللادمن شايف انه يتنقل فهو ادرى

مش عارفة شكل الموضوع بجد مش عاجبكم طي ياريت تقولولى ولو كدة احذفوه

مش عارفة شكل الموضوع بجد مش عاجبكم طي ياريت تقولولى ولو كدة احذفوه

موضوع جامد اوووووووي ياسيهام
مش تحذفيه ولا حاجه

ومتقيميش موضوعك بالردود

وكفايه انك بتعملي مواضيع تحفه زي دي وتكوني همك كله الافاده
ومعرفه الناس اللى متعرفهش..

بس فيه حاجه

انا قريته تقريبا كله

ومفهمتش نقطه

يعني انتي قولتي في الاول ان الشباب والناس بتوافق على بيع عضو من اعضاءه

وبعدين قولتي اننا المفروض نوافق على موضوع زي ده

للاهل باين لصديق لمعرفه

بس بلا مقابل مادي

لكي لا تعتبر تجاره بالاعضاء البشريه..

ده اللى انا فهمته

ومش عارف صح ولا

بس بجد تسلم ايدك يا سيهااااااااااام

موضوع يستحق التقدير

تقبلي مروري وردي..

بجد موضوع مهم يا سيهام ولازم الكل يدخل ويقول رأيه

شكرا على التوبيك الهايل ده

تم التثبيت

سانكس ميدو سانكس لقمان
لقمان انا مش بقول ينفع انا بقول ايه رائيكم
وبقولك انه فى ناس بتحرموه وفى ناس بتبيحوه ومن ضمن الناس اللى بتبيحوه هما الاقارب وداه فى نظر حلال لانه بيبقى تبرع بكفنا ومن غير فلوس يعنى انا مقدرش اعرف ان امى تعبانة ومحتاجة حتة منى وهستخسرها فيها دى امى بردوه

انما انا بتكلم وبرفض الناس اللى بتبيع اعضائها بالفلوس او برفض
الدكاترة اللى بتضحك على الغلابة وبتسرق الاعضاء تحت وهم انها عملية زايدة وهكذا فهمتنى

اه اخدت بالي

واكيد انا مع كلامك

بس حكايه الندكاتره دول بقي رينا علي الظالم والمفتري

وصلت لكده الحال بينا وبالمفروض انهم ملائكه الرحمه في الارض

يعملوا كده...

لا حول ولا قوة الا بالله

انا رأيي معاكي ياسيهام ومادام مافيش مقابل في التبرع او مخاطر ولحد مقرب للشخص
المتبرع

الموضوع ده موضوع نسبي
يعني مش في كل الحالات هوافق
يعني مثلا لو والدي او والدتي او حد من اخواتي احتاج حاجة زي كده اكيد مش هتاخر
لكن اني ابيع كليتي او اي عضو من الجسد ده طبعا اكبر غلط
الجسد البشري مش سلعة الناس تتاجر بيها
ممكن انقذ بيها حياة انسان
لكن مش اخدها تجارة

صح ياموحا الاب والام والاخوات مفيش تفكير اكيد هضحى مش بعضو لا بحياتى كلها انما اتاجر باعضائى لا طبعا حتى لو هيدوينى مكليون جنيه
ربنا كرمنى على سائر مخلوقاته بجسدنا وروحنا اقوم انا ابعترها شكرا ياموحا

مبروك يا مناضله
احسن موضووووع

هههههههههه
مبورك يا سهام على احسن موضوع وال تمسحيه ال احنا بنهزر بيس توبك بجد موضوع فعلا يستاهل يبقى كده تسلم ايدك

شكرا ياجماعة وعايزة اقولوكم ان نتيجة الاستفتاء ونتيجة اللى دخلوا بتقول ان الكل موافق وبشدة لو كان التبرع لصالح حد من اهله والموافقة كانت بنسبة 66% وبنسبة 44% اذا اباحه لينا الدين بما ان الدين هو مفروض الشرع اللى بنمشى عليه

عامة انا متشكرة على كونه موضوع بجد انتوا رشحتوه انه يكون المرشح بس بجد استنوا منى حاجات طبع الموضوع داه هجبهلكم صووووووووووت وصورة كمان
واشكركم