اسباب هزيمة الاهلي

موحا الاهلى كان فى اكتر من قرصة انة يفوز بس برضوة ارجع واقول ان خروج عماد النحاس لما انطرد اثر جامد جدا فى دفاع اهلى وكمان فى نظرى ان تغير بتاع احمد صديق مكنش الى هو مفيش كورة توحد ربنا اترفع صح وبيرفع من بدرى قبل ما يدخل عند زاوية الكرنل
والتغير بتاع شديد قناوى
انا فى راى ان انيس بو جلبان امابرح لعب متش جامد جدا
وكمان اهم حاجة ظلم الحكم الى لو كان فى صلحنا كنا فزنا
وكمان اللعيبة فقدوا السيطرة على نفسهم من استفزاز لعيبة النجم الى هما كل شوية يقعوا من غير سبب
قولى رايك انت بفا اية

اسباب هزيمه الاهلى وبامانه

1/ مفيش تركيز واول ما ركزنا وحطينا قدمنا اننا نجيب جون جبنا جون لو كنا كملنا
وركزنا كنا هنجيب التانى والتالت

2/ بالنسبه للتغيرات اول تغير كان تغيرر صح وحسن مصطفى كان جامد بجد فى المطش

لكن التغيرين التانين مكنوش صح

3/ عمك الحج الحكم محسبش ضربتان جزاء وكانوا المفروض ضربتين ضربتين

4/ الواد لما ضرب فلافيو من غير كورة ادالووووو انظارد ولما النحاس شد الواد بس خد طرد

المفروض الطرد صحيح على النحاس والمفروض التانى كان خد طرد

5/ الاهلى مكنش مركز على الدفاع خالص

.. ويبقى فى الاخر سبب الخسارة الحكم و مانويل جوزيه وثقه الاهلى الزياده

واستعبطهم ..

6/ ربنا عاوز كده

ميررررررررسى على الموضوع

معلش يا جماعة انا ليا اسباب لو سمحتولي اممكن اوضحها

اولا الاهلي في الفترة الاخيرة كان بيحالفو التوفيق بدرجة كبيرة ( وليس الحظ ) في جميع مبارياته ولكن التوفيق تخلي عن الاهلي في هذه المباراة
ثانيا مستوي الاهلي منذ كاس العالم لليابان لا يدل علي الفوز بالبطولة وكلنا شفنا الاهلي صعد ازاي بصعوبة ولولا فوزه علي اسيك خارج ارضه كان حدث ما لا يحمد عقباه
ثالثا نتايج الاهلي في الفترة الاخيرة غير جيدة بالمرة وهجوم الاهلي ايضا لم يحرز اي اهداف في اخر 8 مباريات الا اسامة حسني ولكو ان تتخيلو ان في اخر اربع مباريات في كاس افريقيا الاهلي لم يحرز سوي هدفين منهم هدف بالفريق المنافس في نفسه في مبارة الاتحاد الليبي والهدف الثاني من كرة ثابته في النهائي
رابعا بالنسبة لطرد النحاس النحاس منذ اصابته في كاس العالم قبل الاخيرة وهو في غير حالته ومن المحزن ان الاهلي لم يعقد اي صفقات في الدغاع في هذه الفترة واستغني عن رامي عادي ثم اعاده مره اخري ومازال جليس دكة الاحتياطي
خامسا تغييرات مانويل جوزيه وادارته للمبارة لم تكن جيدة علي الاطلاق بداية منذ قراءة التشكيل وتلاقي اتنين وسط ملعب مش تقال قصاد فريق اهم ما يملكه هو وسط ملعبه يبقي اكيد في حاجة غلط وعندما صلح الغلطة في الشوط التاني تم طرد النحاس ولكنه عالج الطرد بتغيير اكبر غلط من السابق بخرج انيس ونزول احمد عادل يعني كمان بشيل واحد من نص الملعب وسايب دفاعي باتنين بس يعني كارثة دفاعية في الملعب غير ان احمد من ساعة ما نزل ولا رفع رفعة صح وكمان ميجو قال كلمة اثبتتلي انه بيفهم كورة انه فعلا بيرفع الكورة بدري قوي محدش بيرفع اوفر من نص الملعب والتغيير الاخير كان شديد قناوي وطبعا المباراة دي صعبة جدا علي احمد شديد لصغر سنه وقله خبرته ونازل في وقت المفروض انه يعمل في حاجة ومكان جيلبرتو اللي اجاد كتير في هذه المباراة

سادسا بالنسبة للتحكيم وكل الناس شايفة ان التحكيم ظلم الاهلي هو فعلا ظلم الاهلي في ضربة جزاء احمد شديد قناوي
لكن لو كلنا رجعنا سنة لورا في مباراة الاهلي والصفاقسي في رداس وحامل الراية الغي هدفين صحيحين للصفاقسي بشهادة كل من راي المباراة يعني برضه التحكيم كان فترة في صفك واكيد الاخطاء مش مقصودة بس هي واردة وللاسف بتضيع بطولات هامة جدا جدا

وليا كلمة اخيرة
ياريت محدش يزعل من الكلام ده لان هي دي الحقيقة والاهلوية كلهم عارفينها لكن الغرور والكبرياء اللي اصاب الجماهير هو اللي خلياهم مايشوفوش كل الاسباب دي

موحا اوكيك كلامك ماشى

بس التوفيق ده مش من عند ربنا ؟

وبعدين الاهلى فى الفتره الاخيره تعب

بس برده بتوفيق من عند ربنا وصل للنهائى

وده برده ميدلش عن الاهلى وحش لا

الاهلى مازال احسن فرقه فى مصر وافريقيا وهوا التانى على القاره

يعنى مش وحش

وبعدين الاهلويه عندهم غرور وكبرياء احسن ما ميكونش عندهم انتماء صح ولا غلط

وكل اهلاوى ليه الحق انه يتكبر لان ففرقته جامده ومش علشان خسرنا بطوله يبقى
الاهلى وقع وخلاص

لا الاهلى ما زال الاهلى

بعد اذنك يا سارة
الاهلي فعلا وحش
ولو هو ده الاهلي مكنش خسر 3/1 في ارضه مش كده ولا ايه
وكمان طالما انتو متكبرين اهو ربنا اداكو هزيمة فضيحة
عشان بس ماتقولوش الاهلي فوق الجميع
ومش معني ان الاهلي احسن فريق في مصر يبقي هو حلو
وعلي راي الراحل صالح سليم ( الاهلي فريق اعور وسط عميان )

يا موحا

انت بتقول الاهلى وحش

شوف بس انتم بقلكم اد ايه مختوش بطوله واحده

بص ياموحا اولا انا عايز اقولك حاجة بس بيني وبينك (( انت فرحان اوي لهزيمة الأهلي بس بتحاول تبين انك عادي يعني )) ده للتوضيح بس

ثانيا : انا معاك ان الأهلي كان ماشي طول البطولة بالزق وبالعافية وصل للنهائي ،،، بس للأمانه وأي حد بيفهم 10 % كورة يأكد ان الماتش بتاع الأهلي
يعني اللي مزعل الواحد اوي اننا لما نخسر نخسر ماتش بتاعنا وبكتير كمان

والأعرج العرجون اللي جاي من بلدهم وناوي يخسر الاهلي البطولة ده
مع كل الأخطاء اللي انت قولت انها حصلت في الماتش وانت معاك حق فيها
انما السبب الرئيسي للخسارة هو العرجون (( ربنا ياخده )) لأن ضربة الجزاء بتاعة ابوتريكة لو كان حسبها كانت فرقت وكنا ساعتها كاملين وكنا هنكسب


ثالثا : انا عندي رسالة بوصلها لكل زملكاوي واسمعلاوي واي حد فرح في الأهلي

حد فيكوا يعرف ان العرجون بعد الماتش حصلت بينه وبين رجل اعمال مصري مشكلة ورجل الأعمال حرر محضر فيه في القسم بسبب ايه بقي

بسبب ان العرجون تفوه بعبارات وشتائم عنصرية خص بها الشعب المصري كله

وكمان قاله انتوا عايزين ايه عايزين تكسبوا بالعافية ،،، انتوا المصريين عايزين تاخدوا كل حاجة

قال المصريين ومش قال الأهلاويين
وياريت كل مصري وحاقد علي الأهلي يفهم بقي

كفاية حقد حرام عليكوا


،،، وياريت ياموحا متزعلش مني ،،، عشان انا قولت اللي في قلبي ،،،

يا احمد باشا انا مش هزعل منك
احنا بتناقش
وانا فعلا فرحت لان الاهلي خسر مش عشان الاهلي
عشان جمهور الاهلي شاف ان فريقه فوق كل شئ
وفاكر انه ممكن يكسب تحت اي ظرف من الظروف
والاهلي بقاله كتير قوي ربنا موفقه
وكمان زي مالحكم دبح الاهلي السنادي ودي طبعا محدش يقدر يتكلم فيها
برضه حكم نهائي السنة اللي فاتت دبح الصفاقسي ةاكيد كلكو فاكرين
ويا سيدي كفاية عليكو كده بقي سيبونا نشم نفسنا شوية
ههههههههههههههههههههههههههه

فعلا الاهلى فوق الجميع
وكفاية بقة حقد
ورونا انتم هتعملو اية الاول وبعدين اتكلمو