kovartena
عضو فضي
عدد الرسائل : 1089
العمر : 42
مكانك : فى الدنيا
وظيفتك : بكالوريوس حاسب الى
هوايتك المفضلة : الشعر
السٌّمعَة : 0
نقاط : 0
تاريخ التسجيل : 29/04/2007
 |  موضوع: خد بالك!!!!  الأربعاء فبراير 27, 2008 11:20 pm | |
| --------------------------------------------------------------------------------
السلام عليكم ورحمة الله وبركاته
الموضوع ده اتخضيت لما قرأته
في حاجات أعرفها قبل كده وفي حاجات بصراحة اتخضيت لما قريتها!!!
اتفضلوا اقروا وقولولي رأيكو لو سمحتم
هيّ المشكلة في اللبن ؟
خد عندك
- اللبن النيدو المصري مضاف اليه دقيق- عن تجربة عملية - خصوصا البتاع الصغير بتاعو ابو جنيه وربع!!!!
- عصير المانجو اللي في محلات العصير 70% منه مش ليه علاقه بالمانجو اصلا..ده قرع عسلي.. بمرأى العين.. وسلامي للحاج فرغلي
-اللانشون والبسطرمة.. اللي المفروض مكتوب عليها لحم بقري خالص حلال.. مفيهاش ريحة اللحمة اصلا.. دي سقط حيوانات مدبوحه مفروم مع بهارات وتوابل وجيلاتين وعضم فراخ وبالسم الهاري.. تحياتي للحاج صلاح والمعلم عبفتاح..
- انواع الهامبورجر المنتشره في السوق (عدا نوعين تلاتة) كوكتيل من البهارات وماده جيلاتينية بتبقي مبطنة لجلد الحيوانات بعد الذبح وبتتباع من المسلخ الطن منها بـ 250 جنيه تقريبا ..
الطن منها بيستخدم (بعد الغلي في قدور كبيرة مقززة في مناطق لاادمية باستخدام عصاية شبه المجداف كده للتقليب) وبيعمل حوالي 500 عبوة (زنة 1 كيلو برجر) بتتباع بـ 10 جنيه
الصحة تقفل المصنع ( او بير السلم) وصاحبه يلبس قضية غش تجاري محترم ياخد في الآخر حكم غرامة بـ 10 الاف جنيه او حبس سنة ..وغالبا بيدفع الغرامة ويخرج يأجّر بير سلم تاني وتبدأ عجلة العمل من جديد.**********
- علب الزيت الـ1 كيلو بتاع القلي ام 2 جنيه وربع و3 جنيه دي- اللي لونه غامق قوي ومش شفاف دي - اصلا زيت مستخدم من محلات الفول والطعمية بيعاد تجميعه في عربيات بتنك زي بتاعة اللبن كده وبتتفلتر بادوات بدائية جدا عشان تشيل بواقي القلي اللي فيها ويعاد تعبيتها في زجاجات - مستعملة مسبقا ومعاد غسلها بالمية والصابون- وبتتعبى يدويا بقمع بلاستيك وتتبرشم بماكينة برشمة تمنها 3 الاف جنيه.. وبيع يامعلم
الزجاجة البلاستيك من الزبالين.. الدسته بجنيه.. طن زيت مستخدم الكيلو بيتاخد من المطعم بـ 25 قرش.. قمع بلاستيك قول 10 = 5 جنيه .. وماكينة برشمه بـ 3 الاف بالكتير
تكسب في الطن 2000 جنيه مستريح جدا.. ويتحرق اللي بيشتروا بجاز.. جاز مش نضيف زي الزيت اللي اشتروه- الحلاوة الطحينية اللي في المحلات.. عليه اكسيد تيتانيوم عشان تاخد اللون بتاعها
وبعضها مفيهوش ريحة السمسم اصلاً.. عليها دقيق وفورمالين عشان تمسك نفسها.. اصل الدولار بقي غالي فالسمسم غالي والزبون عاوز الارخص مش الانضف
- فلاتر ميه الشرب.. بتفلتر الطعم (عبر ازالة الكلور) والريحة (عن طريق الفلتر الكربوني) لكن المعادن التقيله اغلبها مبيتفلترش اصلا الا في الفلاتر الاكتر من 3 مراحل.. سلام كبير اوي لفلاتر تانكة
**********
-- فراخ المزارع.. من كتكوت عمره يوم لفرخه كاملة وزنها كيلو علي الاقل الي كيلو و200 جرام بياخد 19 يوم..حقن هرمونات في الاكل وميه الشرب.. علما ان الفرخة الطبيعه عاوزه 4 شهور عشان تقرب من الحجم ده
ده غير مزرعة فراخ امريكانا اللي في برج العرب اللي بتورد الفراخ لمطاعمهم ..اول مره في حياتي اشوف فرخه وزنها 4 كيلو ونص كان هناك.. ومش بتعرف تمشي.. وعندها حاجة من الجنب كده بالتدقيق اكتشفت انها: مشروع جناح
سمك المزارع السمكية..بياكل دم ومخلفات عمليات الذبح عشان يكبر بسرعة
-طلمبة البنزين الـ 92 والـ 95 في البنزينات دلوقتي.. الطلمبتين بياخدو من خزان ارضي بنزين واحد ..مهي اصل الطلمبة ذكية ..بتميز الـ 92 من الـ 95- محلات الحلويات اللي بتبيع الحلويات للشرقية بالسمن البلدي.. ولابلدي ولانيلة دي معموله بسمنة صناعي وعليها مكسبات طعم زي اللي بيستخدموها ف المصانع
-الجبنة الرومي القديمة.. مش قديمة ولانيلة برضه..هما يعني هيعتقوها عشان حضرتك تستمع ويركنها في المخزن 6 شهور؟
بيضيفو هيدروكلوريد اسيد تركيز 30 %.. عشرة لتر لكل طن جبنه وتتكتم في قبو قديم معفن 24 ساعه وتطلع قديمة وطالع عين امها كمان
**********
- اكياس البلاستيك: اكياس البلاستيك اي لون (غير الشفافة المفروض انها بتتصنع من رولات بولي ايثيلين خام)
الواقع ان اغلبها عبوات بلاستيك (ميه وبيبسي) وبيتم تسيحهم في افران وسحبهم على شكل رولات تاني.. ودي ارحم من الاكياس البلاستيك السوداء اللي مصدرها مخلفات المستشفيات والمراكز الطبية (حقن - سرنجات - كانيولا - فلاتر - اكياس دم مستعمله - قساطر بوليه مستعمله..(
- عبوات المياه المعدنية اكوافينا (انتاج مصانع بيبسي) عن مصدر مقرب الميه دي لابئر جوفي ولانيله.. حتي مفيش عنوان للمصدر علي عبوات القزايز
دي بخار الميه الناتج عن التكثيف في خطوط انتاج البيبسي .. بدل ماتتهدر وهم بيدفعوا عليها فلوس لمصلحة المياه قرروا يجمعوها في تانكات ويعبوها في قزايز ويستغلو شبكة التوزيع الضخمة بتاعتهم توزع ميه مع البيبسي وبسعر ارخص من سوق المياه المعدنيه باكتر من 50 قرش ق الزجاجه..(محدش خد بالو من طعم البيبسي في الميه دي؟(
- صابون غسيل الوجه وكريمات البشرة والشعر المنتشره في السوق(من غير الانواع المعروفة) ياريت حد يبقي يحللها يمكن نعرف نوصل للمركبات اللاارضية اللي بيستخدموها فيها
| |
|
شيرويت
عضو برونزي
عدد الرسائل : 956
العمر : 35
مكانك : جمهورية فيصل العربيه
وظيفتك : تلميذه
هوايتك المفضلة : الانترنت
السٌّمعَة : 1
نقاط : 21
تاريخ التسجيل : 28/04/2007
| | موضوع: رد: خد بالك!!!! الخميس فبراير 28, 2008 12:57 am | |
| فعلا حاجات صعبه اوى والمشكله ايه اللى هياكدلنا ان كانت الحاجات دى سليمه ولا لاء
ومفيش حد هيكون بيبعهم هيقولك لاء دى حاجتى مضروبه
بس انا مش مغلطه اصحاب المصانع المشكله ان معندناش رقابه كافيه وكله بيمشى من تحت الترابيزه
ومحدش خسران غير المستهلك | |
|
mmMedomm
عضو متالق
عدد الرسائل : 369
العمر : 34
مكانك : مفيش مكان معين
وظيفتك : معييييد باذن الله
هوايتك المفضلة : الكراتيه ثم الكراتيه ثم الكراتيه
السٌّمعَة : 0
نقاط : 0
تاريخ التسجيل : 09/08/2007
| | موضوع: رد: خد بالك!!!! الخميس فبراير 28, 2008 12:47 pm | |
| | |
|
lookmaan45
عضو برونزي
عدد الرسائل : 658
العمر : 74
مكانك : cairo
وظيفتك : ---
هوايتك المفضلة : ---
السٌّمعَة : 0
نقاط : 6
تاريخ التسجيل : 12/09/2007
| | موضوع: رد: خد بالك!!!! الأربعاء أبريل 02, 2008 3:57 am | |
| فاضل ايه تاني........؟
ههههههههههههههههههههههههههههههه | |
|
kovartena
عضو فضي
عدد الرسائل : 1089
العمر : 42
مكانك : فى الدنيا
وظيفتك : بكالوريوس حاسب الى
هوايتك المفضلة : الشعر
السٌّمعَة : 0
نقاط : 0
تاريخ التسجيل : 29/04/2007
| | موضوع: رد: خد بالك!!!! الخميس أبريل 03, 2008 1:31 am | |
| ميرسى لكل اللى شارك فى الموضوع ميرسى ليكم ونورتم الموضوع | |
|
lonly
عضو برونزي
عدد الرسائل : 896
العمر : 38
مكانك : بيتنا
وظيفتك : معلمة
هوايتك المفضلة : الخروج مع الاصحاب
السٌّمعَة : 0
نقاط : 39
تاريخ التسجيل : 28/04/2007
| | موضوع: رد: خد بالك!!!! الجمعة أبريل 04, 2008 12:32 am | |
| يااااااااااااااااااااااااه كل ده
ده احنا كده لاناكل ولا نشرب
ناقص كمان مش نتنفس وتبقى كملت | |
|
