العيب فى مين الشعب ولا الحكومة ادخل متخفش موضوع مفتوح

موضوع جميل بس انا ليا كذا تعليق علي موضوع عيوب الشعب
اولا :

اقتباس :

فبلاد بره بتبقى اشارة المرور موجوده من غير ضابط مرور
بتلاقى الكل بيقف وبيحترم المرور

اقولك انا ليه
لان في بلاد بره في حاجة اسمها كاميرا مثبته فوق اشارات المرور بتشتغل بالانفرا ريد ولو حد قطع الانفرا ريد بيتصور ويتاخد مخالفة مش هيعرف يخم الكاميرا ولا يرشيها زي العسكري اللي واقف بتاع المرور

ثانيا :

اقتباس :

فبلاد برة الناس بترمى الزباله فى اى ركن تلاقيه فاضى

انتي قصدك يعني اي باسك فاضي . صح ؟
لو قصدك كده انا معاكي لكن لو فيه في مصر كل خمسين متر صندوق زبالة نضيف ومحترم وفاض تعتقدي ان ممكن حد يرمي زبالة في الشارع
ولا بتلاقي برميل كل فين وفين ومليا علي عينه ومرمي حواليه كمان
يعني بياخدو فلوس عشان يشيلو الزبالة وبرضه لسه موجودة

ثالثا:

اقتباس :

البنات دلوقتى بتمشى فى الشارع بتلاقى اللى يضيقها ودلوقتى احنا الحمد لله اتقدمنا
ويارتنا اتقدمنا فى حاجه حلوة
اتقدمنا فى ان الشباب دلوقتى بقوا بيمدوا ايديهم على البنات

كان في حاجة اسمها زمان دوريات في الشوارع ليل ونهار بدليل في كل الافلام العربي تلاقي اي حد بيقول يا شويش صح ؟
لان دايما في كل شارع ومنطقة بلاقي شاويش او عسكري دلوقتي ولا حياة لمن تنادي
ومش بعيد تلاقي الظباط بيعاكسو كمان
هتردي عليا وتقوليلي العيب مش في الحكومة
بس الحكومة هي اللي سمحت بالوسايط ان اي حد معاه واسطة يبقي ظابط في يوم من الايام طالما هيدفع كتير للعقيد علان واللواء فلان

رابعا :

اقتباس :

تلت تربع اخلاق الشعب اللى راحت معتقدش سببها الحكومة
الناس اتغيرت
وبقت بتجرى ورا الفلوس وخلاص

طب هو الشعب بيجري ورا الفلوس ليه كش عشان يجيب رزقه ورزق عياله وبيته هو لاقي الفلوس وبمستريح ماديا في بلده هيجري ور الفلوس ليه هي الحكومة عايزة الشعب دايما مشغول في حاكية الفلوس عشان ينسي اي مشاكل تانية في البلد ويقولك " انا عندي عيال عايز اربيهم "
مش كده ولا ايه

خامسا :

اقتباس :

اول واهم عيب فى الحكومة انها مش مسكة الشعب
فعلان الشعب ش عاوز اللى يفك حريته
شعب عاوز اللى يش عليه
مينفعش التساهل معاه

لان الحكومة مش مدية حقها للشعب فعمرها ما هتقدر تمسكه
لانها من الاخر مش مالية عين الشعب

سادسا واخيرا :

اقتباس :

تانى عيب للحكومه
الحكومه ما شاء الله فى النهب دلوقتى
طبعا مش كلهم بس كتير دلوقتى شغال نهب ومن تح لتحت
وفى ناس كتير دلوقتى علنى

ثالت عيب فى الحكومة هتزود الناس امتى وهتشغل الشباب امتى وهتامن مستقبلهم امتى
لما يموتوا
؟؟؟؟؟؟؟؟؟؟؟؟؟؟؟؟؟؟؟

رابع عيب فين الحق والعدل
مفيش تعليق اكتر من كده على الحق والعدل
لان بسم الله ما شاء الله العدل فى البلد فله اووووووووووووووى


خامس عيب واللى هختم بيه رغم للحكومة عيوب متتعجش ومتخلصش
امتى هنظبط بلدنا وهنضف شوارعنا وهنرقى بالبلد
امتى هنخلى الست تقعد فى البيت تانى علشان الرجاله تشتغل
علشان الشباب يشتغلوا ويتجوزوا ويجيبوا اجيال المستقبل
الست لو قعدت من الشغل مشاكل البلد هتتحل
تتعلم اه هتعلم ولادها وتخليهم بجد فى نهضه كويسه لبلدهم
وتعلمهم التربيه اللى الامهات دلوقتى غيبه عنها

اني باسبابك دي قدرتي توضحي ليه الحكومة مش قادرة تمسك الشعب وليه الشعب بقي حاله عامل كده

بجد اشكرك علي الموضوع الجميل ده يا سارة وفعلا موضوع شيق

وتم التثبيت لفترة

ميررررررررررسى يا موحا
وميرسى على التثبيت

اقتباس :

انتي قصدك يعني اي باسك فاضي . صح ؟
انا قصدى انهم مش بيرموا برة فى اى حته
لو قصدك كده انا معاكي لكن لو فيه في مصر كل خمسين متر صندوق زبالة نضيف ومحترم وفاض تعتقدي ان ممكن حد يرمي زبالة
في الشارع
انا مش معاك فى ديه اول ما الشركة الجديده جت وحتت صناديق وحاجات والله يا موحا كان قدامى الصناديق محطوطه جمب كل عمود نو وقدام المحلات وغطيان للصناديق الكبيرة الاول الغطيان اتخلعت وبدها الصناديق اتسرقت شعبنا اللى مش عاوز نضافه
ولا بتلاقي برميل كل فين وفين ومليا علي عينه ومرمي حواليه كمان
يعني بياخدو فلوس عشان يشيلو الزبالة وبرضه لسه موجودة

والله يا موحا انا ساعات بشوف الصندوق فاضى خالص واللى جمبه كله زباله طيب ليه ؟؟؟

بجد موضوع جامد اوى

وانا اقتبست كلام من الموضوع من موحا
تلت تربع اخلاق الشعب اللى راحت معتقدش سببها الحكومة
الناس اتغيرت
وبقت بتجرى ورا الفلوس وخلاص

ده فعلا اللي بيحصل مفيش مانع انهم يعملو فلوس تسترهم وتستر اولادهم بس مش صعبه عليهم ان اخلاقهم تبقى كويسه مش حجه دي علشان يبقو ناس من غير اخلاق

في بلاد بره في حاجة اسمها كاميرا مثبته فوق اشارات المرور بتشتغل بالانفرا ريد ولو حد قطع الانفرا ريد بيتصور ويتاخد مخالفة مش هيعرف يخم الكاميرا ولا يرشيها زي العسكري اللي واقف بتاع المرور

معاك ياموحا في الكلام ده بس في الاول كانو بيخافو من الكاميرات لكن خلاص هم برا اتعودوا على النظام يعني اعمل ده في مصر وبعد سنه الناس كلها هتمشي زي الالف مش علشان الكاميرا لا علشان كمان هم اتعودوا على النظام عيب المصريين الفوضى حط مليون خط تحت الفوضى
وغوغائيين وكل واحد يقولك انت عارف بتكلم مين هيكون مين يعني مصري زيه زي اي واحد مش بالمناصب بالمخ الشغال
بقينا ناس متخلفه وعقولنا تافهه مفيش لا عالم ولا مبتكر ولا مبدع فين خلاص وقفت على احمد زويل وبس

الواحد مهما هيتكلم هيقول ايه ولا ايه ولا ايه
وياريت في حد سامع واللي سامع مش هينفذ ده هيقولك وانا مالي وانا اعمل ايه مااقدرش اعمل حاجه لوحدي سلبيه منتهى السلبيه والضعف والهوان
وقبل مانحاسب الحكومه نحاسب نفسنا الاول ونصلح من حالنا وبعد كده نبقى نحاسب الحكومه