CDبتاريخ حياتى ....بحلوو...بمرة ...اتكلم من القلب( MoooHaaa)

معلش يا جماعة نظرا لاعطال النت الموجودة بالمكتب فسوف نواصل كتابة الحلقات بعد عودة النت
تيت تيت تيت تيت
هههههههههههههههههههههههههه
معلش يا جماعة النت علق من شقة ابراهيم وهو مسافر وهييجي السبت الجاي ادعولي بقي ربنا يستر

عادى يا موحا ولا يهمك

مستنيااااااااااااااااااااااااااااااااااااااااااااااااااااااااااااااااااااااااااااااااانك

وحشتوني والله ومعلش انشغلت عنكم شوية

بس نسيت اقول حاجة في فترة قبل دخول الجامعة

انا قدمت في الكلية الحربية بس للاسف طلعت من الكشف الطبي لان الواسطة اللي كنت مكلمها ساعتها الباشا كان بيصيف في بلجيكا ( عالم رايقة ) وده علي فكرة يبقي اخو جدي واسمه سمير الليثي ( افتكرو الاسم ده )

نرجع بقي لاول يوم في الكلية

صحيت بدري الصبح لبست اللبس بتاعي اللي اكتشفت بعد كده انه مش لبس ده بطيخ

رحت الكلية الساعة 8.5 الصبح راجل نشيط بقي بسيط لقيت ناس كتير ملمومة في حتة واحدة رحت ابص لقيته جدول المحاضرات رحت مطلع الاجندة وكاتب الجدول وانا كنت انتساب قلاقيت ان جدول انتساب بالليل مش الصبح من 4 الي 8 كل يوم

وانتظام كانت ايام سبت وحد وتلات بس الصبح من 8 الي 4 طبعا بعد ماعرفت ان الجدول كده رحت مروح وجيت بالليل عالساعة 3.5 ونص اول مادخلت لقيت ناس كانو معايا في الفصل في الثانوي سلمت عليهم بس كان كلامي معاهم قليل قوي سلمت عليهم وقعدت معاهم شوية لقيت واحد بيقوللي انت حجزت ولا لاء قلتله حجزت ايه قاللي مكان في المدرج قلتله لاء قاللي احجز عشان تلاقي مكان قولتله طيب رحت داخل جوه سالت علي مدرج عباس الشافعي فين ولاد الحلال دلوني عليه ادخل من البا اتخضيت

ايه ده ايه الناس دي كلها كل ده مدرج مالا يقل عن الفين واحد قاعدين خدينتني الرهبة في الاول ومفيش اي خرم فاضي والناس قاعدة علي الارض قلت اتمشي كده جوه المدرج يمكن الاقي اي حتة اقعد فيها فين وفين لما لقيت حتة صغيرة كده في اخر المدرج سالت واحد حد قاعد هنا قاللي لاء رحت داخل وقعدت في اخر بنج في المدرج والجو موت والناس رغاية قوي وانا معرفش حد ولت مش مشكلة يوم وهيعدي قعدت دخل الدكتور ومش فاكر كان ايه بس تقريبا دكتور محاسبة وي ترحيب بالدفعة الجديدة ونظام الكلية ايه ومش عارف ايه والكلام ده عدي اول يوم ومفيش اي جديد وجيت تاني يوم بس جيت الساعة 4 الا ربع كده برضه المدرج مليان هو ايه الناس دي ما وراهاش حاجة غير الكلية ولحسن الحظ لقيت مكان فاضي وهو نفس المكان اللي كنت قاعد فيه امبارح في اخر بنج قلت مش مهم ياض بكرة تروق وتحلي بس تاني يوم اكتشفت اني معرفتش بنات قبل كده كل اللي شفته كان صنادل البنات في كلية تجارة بيلمعو كده وانا قاعد فوووووووووووووق ومن بعيد لمحت واحد شكلي اعرفه قبل كده بس المسافة بعيدة قوي يا خبر ابيض مين ده معقول

ده محمد حسن ( فاكرينة من ايام اولي اعدادي ) انا مش مصدق يا خبر محمد حسن يالهوي عالزمن واللي بيحصل فيه رحت حاجز مكاني بالاجندة ونزلو قربت منه لقيته واقف مع واحدة مين دي يا تري تكونش شيماء اللي حكالي عنها وبقالو سنة بيحبها يمكن نزلت ازيك يا محمد عامل ايه ازيك يا سامح ايه الصدف دي وفينك يابني وايه اخبارك الحمد لله

قلتله انت مش حاجز ولا ايه قاللي لاء مش لاقي مكان قلتله تعالي في مكان جنبي فاضي وشيماء دي كانت معاها واحدة صاحبتها واسمها شيماء برضه بس مكنتش حلوة فرحتعامل عبيط ولا اكنها موجودة فطلعنا فوق كان جنبي مكان فاضي قلت لمحمد تعالي اقعد فقاللي بيني وبينه هنقعد احنا ونسيب البنات واقفين قولتله ياعم يقعدو علي الارض يرضيك يعني يقعدو ويتزنقو كده بين الشباب وبتاع ( هههههههههههههه حجة بقي ) قاللي اه عندك حق خلاق يقعدو عالارض قولتله اه ممكن برضه وقعدنا وخلصنا المحاضرات وروحنا وبعد كده بقيت انا ومحمد مع بعض لي بيحضر الصبح مع انتظام وانا بصراحة حضرت مرة ومش حبيت الجو صحيان بدري وزحمة جدا لان الناس كلها بقت بتيجي الصبح وبالليل الجو بيبقي هادي وكنت بروح كل يوم بالليل في الروقان ومعايا الوكمان والشرايط واقضيها بين المحاضرات اغاني وبتاع وفي يوم كنت قاعد وفي حالي وحاطط قدامي الوكمان وشريط اصعب حب غلي البنش اصل البطارية كانت جايبة جاز ومكسل اطلع اجيب بطاريات قلت مش مهم وانا قاعد كان قاعد جنبي واحد وجنبية تلت بنات معرفته فلاقيت واحددة منهم بتقوللي ممكن الوكمان اسمع اغنية بس من الشريط قولتلها اتفضلي بس خللي بالك الحجارة بتلعب في الوقت الضايع وممكن الحكم يصفر في اي وقت وانا بكلمها لقيت في اتنين قاعدين جمبها فلمحت اسم علي اجندة واحدة منهم مكتوب ( أميرة ) بس بالانجليزي واللي بتكلمني كان اسمها سمر والتالتة اسمها ايناس المهم طبعا الوكمان كسفني ومكلمش 30 ثانية والحكم صفر والحجارة بدات تعك لقيت سمر بتقوللي الحجارة ماتت قلتلها الله يرحمها بقي انا قولتلك من الاول وعلي فكرة سمر دي كانت اول واحدة اتعرف عليها في الكلية اتعرفنا علي بعض واتفقنا اننا نيجي بكرة في انتظام الصبح

لكن حصل اللي حصل واللي كنت متاكد انه هيحصل

بس هقولكو المرة الجاية عشان عايز اخلص شغلي عشان عندي مشوار مهم جدا بالليل وادعولي بقي ربنا يوفقني فيه سلام يا بني ادمين

ربنا يوفقك يا عم موحا

ايه سلسله قصه حياه مووحا بس حلوه بس انا شايفه انك عملها حلقات كل مره تقول حلقه وفى نهايه الحلقه ترمى نوع من التشويق للحلقه اللى بعدها على العموم مستنيه الحلقه الجايه

بس عايزين نعرف ايه هوه المشوار اللى انت هتروحه بليل ؟ رخمه بقى وده سؤال اجبارى ياريت تقول الاجابه قبل ما تكمل الحلقه القادمه

عنده فرح
كمل يا واد يا موحا

يالهوى يا موحا هتتجوز من ورانا ده انا اكلك بص مش هخلى فيك حته سليمه

متكمل ياموحا الله انت ايه روحت فين

معلش يا سهام

موحا بيصيف بقى

لما يجى هيكمل

يابت ماانا عارفة بس بستعبط ههههههههههههههههههههههههه ايه رائيك نالف احنا هههههههههههههههههههههههههههههههههههههههههههههههههه ولا بلاش احسن يشيلنا من المنتدى خالص خلينا جنب الحيط

يا جماعة ما كل واحد يكتب هو قصة حياتة ولا مفيش حد غير موحا انا عايز اشوف كل واحد

جميل اوى الموضوع ميجووو

معلش رديت متاخر بس لانى مكنتش بدخل

وكمان قصتك ياموحا جميلة

انتظر التكملة

تقبل ارق تحية

اسف علي الغياب الكبير ده عشان ظروف المصيف بقي والحوارات دي

نرجع بقي نكمل :

جه تاني يوم رحت الكلية من 7 الصبح عشان احجز ليا ولسمر واصحابها ورحت وحجزت علي الشمال في سابع بنج تقريبا شوية والمدرج بدا يتزحم وسمر ما جتش ولا اي حد من صحابها فين عالساعة 8 الا ربع كده لقيتها داخلة المدرج وجاية عليا ومرة واحدة لقيتها راحت لفت الناحة التانية وداخلة تقعد في البنج اللي في النص وقدام وانا محرج انادي عليها وعمال ابسبس مفيش يا بس يا بس مفيش فايدة اتحرجت اقوم واروح اكلمها ( من خيبتي ) حضرت المحاضرات وبصراحة مش فاكر كلمتها يومها ولا لاء المهم عدت الايام وبقيت انا وسمر اصحاب وايناس صاحبتها برضه معانا لكن اميرة مكنتش بتيجي خالص وعلي طول كنت بسال عليها لكني مشفتهاش ولا حتي اول يوم لكن كنت دايما بسال عليها واقولهم هي اميرة مش بتيجي ليه فين وفين جت اميرة وهي فعلا اميرة ما شاء الله عليها بيضه وجميلة وحاجة كده سكرة وتتاكل اكل بس كانت مليانة شوية وبقت بتيجي علي طول وبقينا اصحاب اه في حاجة مهمة نسيت اقولها في تاني او تالت يوم باسال علي المدرج بتاعنا مكنتش ليه حفظت الاماكن فبسال واحد بقوله ماتعرفش كدرج عباس شاقعي فين فلفلي وقاللي علي ايدك الشمال هنا ابص في وشه الاقيه واحد كنت اعرفة وكان معايا في الاعدادية مكنتش مصدق ازيك يا تامر عامل ايه قالللي كويس الحمد لله انت ايه اخبارك وفينك ومحدش بيشوفك قاللي ده حاتم معانا هنا ( كان معانا في الاعدادية برضه ) وانا قولتله ده برضه محمد حسن معايا هنا ويا محاسن الصدف واتجمعنا تاني وبعديها بكام يوم قابلت واحد عزيز عليا قوي برضه معايا في الكلية اسمه احمد سعيد وده كان معايا في الابتدائي وبقينا بنتجمع في المدرج بس مش دايما اوقات واوقات نرجع بقي تاني لاميرة بقينا اصحاب انا وهي قوي وبقت تحكيلي علي كل حاجة في حياتها وانا مكنش عندي حاجة احكيها وعرفتني علي واحد اسمه خالد وده حبي الوحيد في الكلية واللي طلعت بيه من الكليه دي اتعرفت عليه وبقينا جروب من سبع اشخاص دايمين ( انا وخالد ومحمد حسن وشيماء وسمر وايناس واميرة ) وساعات كان بيجي يقعد معانا احمد وحاتم تامر بس مش كتير وكان فيه واحد رخم جدا اسم احمد محمدي كان معرفة اميرة برضه بس كان تنك قوي ومكنتش بحب قاعدته بس كان روش ومطرقع كده واميرة كانت بتحب الحاجات دي قوي لانها اصلا من مدرسة لغات ودايما بتحب تشوف الاستيالات والحاجات الهابلة دي واخوكو كان شوال ماشي في شوال ( ههههههههههههههههههههههه) لا لبس ولا شكل ولا استايل وفي يوم لقيت اميرة جاية بتقوللي يا سامح عايزة اكلمك في موضوع قولتلها خير موضوع ايه قالتلي بصراحة انا معجبة بواحد وهو مش حاسس بيا ( ان ان ااااااااااااه ) قولتلها ايه الكلام الكبير ده ( وطبعا كنت متاكد انه مش انا ) قالتلي مش كبير ولا حاجة قولتلها طب مش حاسس بيكي ليه يمكن انتي اللي مش محسساه قالتلي خايفه اكلمه في حاجة يزعل مني وهو عزيز عليا قوي ومش عايزة اخسره كصديق قولتلها طب هو مين وانا ممكن المحله من بعيد كده ومن غير ما يحس وشوية حركات كده قالتلي بجد يعني هتكلمه قولتلها عونيا انا عندي كم ميرو يعني قالتلي هو اسمه ؟؟؟؟؟؟؟؟؟؟؟؟؟؟؟؟؟؟؟

طبعا مش هقولكو خلوها مفاجاة وهي فعلا مفاجاة

سلام دلوقتي

ههههههههههههههههههههههه

اسمه اسمه اسمه

مش عارفه انا حاسه من اول حكاية الجامعه انه انت

ههههههههه

يلا كمل بقى

انت بتيجى على المهم وتقف هههههههههههههههههههههه مستنى الباقى

جاااااامدة يا موحا شايف الشعب المصرى فضوووولى بطريقة فظيعة
ربنا يخدة براحتك يا واد انا مستنى الباقى

كل الكلام ده وانا متاكد انه مش انا وفبقولها هو مين قالتلي احمد محمدي طبعا الشخصية دي انا مكنتش بطيقها والحال من بعضه وهو كان برضه مش بيطيقني فقولتلها انا مش هقدر اكلمه عشان انا اصلا مش بحب ابص في وشه مش هينفع اكلمه قعدت تتحايل عليا ومش عارف ايه وانا برضه مش رضيت وخلص اليوم بعديها بيومين قالتهم خلاص اتفقو وماعرفش هي قالتلو ولا هو اللي قالها المهم بقو مع بعض ومبقتش اميرة تقعد معانا زي الاول وبقت تقعد في كلية الالسن وخلال الفترة دي حصل تطور كبير من سمر وقالتلي بتلمحلي بحاجات غريبة كده في الحب وبتاع بس صاحبكو عامل عبيط بقي ومنفض لانه مش مصدق هو احنا لحقنا مكملناش شهر مع بعض بقت تسمعني اغاني وتديني شرايط وتقولي اسمعها وانا مش دماغي حاجة لحد ما جت قالتلي يا سامح انا بحبك ساعتها وشي جاب الوان واخضر واحمر وازرق واصفر ومعرفتش اقولها ايه اقوللها يا سمر انا مش بحبك واجرخها ولا اهاودها وبعد كده انفضلها بالطريقة معرفتش اتكلم قالتلي يا سامح ايه رايك قولتلها عادي اصلي متفاجا شوية قالتلي يعني انت مش بتحبني زي ما بحبك بلمت تاني ومش عارف اقول ايه وبقول في سري يا بنتي قولتي كلمة بحبك دي تاني ممكن يغمي عليا فيها بلاش تقوليها وحياة ابوكي المهم توصلت اني اهاودها يمكن احبها قعدنا فترة مع بعض لا تزيد عن الاسبوعين بعد كده حسيت اني مش هقدر احبها بقيت انفضلها بالطريقة وما روحش الكلية ولو رحت اقعد مع اميرة وانفضلها لحد ما جابت اختها واتخانقت مع اميرة وقالتلها مالكيش دعوة بسامح وحوارات غريبة كده نهيت علاقتي بسمر عن طريق احمد سعيد وقولتله يبلغها اننا مش لبعض وربنا يرزقها بالانسان اللي يحبها والحمد لله الموضوع خلص عادي وبقيت انا وهي اصحاب خلال الاسبوع ده بقي كانت اميرة نهت علاقتها باحمد ليه بصراحة مش فاكر قالتلي ليه بس تقريبا هو قعد فترة مش بيجي الجامعة ومش بيكلمها في التليفون ( ساعتها مكنش فيه موبايلات كانت لسه ) وجه واحد صاحبه اسمه محمد العادلي قالها يا اميرة احمد مش بيحبك ومش حاسس بيكي والكلام وقالها بصراحة انا بحبك يا اميرة ( ايه ده بقي شغل العيال ده ) وتقريبا اميرة كان قلبها مفتوح لكل الناس وجت قالتلي ان محمد قالها بحبك والكلام ده قولتلها والله يا اميرة دي حياتك بس انتي لسه خارجة من مشكلة زي دي برضه بلاش تستعجلي قالتلي بس محمد مش زي احمد وهو كويس وكان معايا م ايام المدرسة وكده قولتلها بس الاتنين صحاب وشكلهم كده بيشقطوكي لبعض قالتلي لاء قولتلها انتي حرة وفضلت انا وهي اصحاب علي طول ومش بنسيب بعض ابدا وجه يوم ومحمد سافر اسكندرية واميرة هتتجنن مش عارفة تكلمه قولتلها يا بنتي لو عايز يكلمك كان اتصل بيكي شيلي من دماغك بقي برضه مفيش فايدة لحد ما جه اليوم اللي محمد جي فيه الكلية بعد غياب اسبوع وطبعا هي مستنياه بقي يجي ويقعد معاها ويقولها بحبك وحشتيني والحوارات دي طبعا جه محمد وسلم عليها ازيك ومش عارف ايه وراح سايبها وراح قعد مع اصحابه قولتلها والله يابنتي قولتلك محمد مش بيحبك ماسمعتيش كلامي قعدت تعيط شويتين وخلاص بس فضلت برضه معاه ورجع ظهر تاني احمد محمدي ( مش قولتلكو بيشقطوها لبعض ) وفي الفترة دي اختفي محمد خالص وجه احمد وكلم اميرة واتفقوا انهم يرجعو اصحاب وانا برضه مش بطيقه وبعد فترة جه احمد وقالها محمد بلغني رسالة اقولهالك وهي " معلش مالناش نصيب في بعض " الكلام ده انا عرفته بعدين لانها ساعتها كانت واقفة مع احمد وهو كان قاعد وحاطط رجل علي رجل وهي واقفة عماله تعيط وانا ماعرفش في ايه رحت رايح للعيال وقولتلهم احمد ده بني ادم معندوش دم ولا احساس البت واقفة معاه محروقة من العياط وهو قاعد ببرود ولا علي باله وحاطط رجل علي رجل وبقولها وانا متعصب ومتنرفز قوي لقيت احمد سعيد بيقوللي هو حصل ولا ايه قولتله هو ايه قاللي ( بوم بوم بوم ) قولتله ياعم انت في ايه مفيش حاجة من دي خالص قاللي يا راجل وشحك تامر قاللي انا فهمت قولتله فهمت ايه انت راخر قاللي بوم بوم بوم ( يا ولاد الذين هتفضحونا ) وشوية وايناس قالتلي انا كمان فهمت واناعمال اضحك ومش فاهم ايه اللي بيحصل قصدهم يعني اني بحب اميرة فعلا قصدهم كده وسمر طبعا قالت انا مش فاهمة حاجة ( بتعمل عبيطة ) فقلت لنفسي معقول اكون بحب اميرة بس لاء احنا اصحاب وقعدت فترة سرحان والكلام ده كان يوم التلات 26/11/1999

نهينا الموضوع علي كده وجه تاني يوم رحنا الكلية واخر النهار كده قبل محاضرات انتساب لقيت اميرة بتقوللي عايزاك في موضوع قلت اه جالك الموت يا تارك الصلاة اكيد البت ايناس قالتلها حاجة وفضحوني ربنا يسامحها بقي قولتها خير موضوع ايه قالتلي بس نقعد جوه المدرج ونتكلم قولتلها طب استني اروح اجيب حاجة واجي وانا خايف من المفاجاة والكلام مش هعرف اقول حاجة ولا هرد اعمل ايه شوية ورجعت لاقيتها واقفة مستنية دخلنا لقينا لعيال كلهم جوه قعدت اهزر قلت يمكن الدكتور يدخل ونخلص المحاضرة ونروح لقيتها واقفة مستنية اخلص هزار قالتلي مش خلاص بقي عشان نتكلم قولتلها طيب لاقيت واحد طلع وقال في الميكروفون الدكتور اعتذر النهاردة عن المحاضرة ( يابن اللذين تعمل فيا كده ماشي يا احمد يا مندور ) قعدت واتكلمت معاها وهي بدات تفتح الحوار وكنت محرج جدا وقالتلي ؟؟؟؟؟؟؟؟؟؟؟؟؟؟؟؟؟؟؟؟؟

ههههههههههههههههههههههههههههههه

المرة الجاية بقي هو كله في يوم واحد ولا ايه انا رغيت قوي النهاردة

سلام

هههههههههههههههههه جامده وربنا بس ولا يهمككككك كمل رغي ايه ال حصل

ايه يا مان والنبى كمل الحوار عايز ايه اللى حصل جايز ادخل كليه ويحصل فيا كده

هههههههههههههههههههههههههههههههههههههههههه
والله جميله

هههههههههههههههههه

يلهوى يا موحا

كمل ومتعلقناش

نيس يا موحا على فكرة انا معاك على الخط
كمل ومستنى

mmMedomm كتب:: هههههههههههههههههه جامده وربنا بس ولا يهمككككك كمل رغي ايه ال حصل

شكرا يا ميدو علي مرورك

the_lover_pharaoh كتب:: ايه يا مان والنبى كمل الحوار عايز ايه اللى حصل جايز ادخل كليه ويحصل فيا كده

شكرا يا باشا علي مرورك ومش كل الناس بيحصلها كده في الكلية
ومش كل الناس بتتصرف زي بعضها

Mr_Zizo كتب:: هههههههههههههههههههههههههههههههههههههههههه
والله جميله

شكرا يا مان علي مشاركتمك